6-8 қыркүйекте Алматыдағы Бірінші мамыр тоғанында алғаш рет Park Live пен Yandex Qazaqstan командаларының бірлескен жобасы — Yandex Park Live фестивалі өтпек. Фестиваль бағдарламасына Ninety One, T’OI, Truwer, Hiro, Yenlik, кухня, Dose, M’Dee, Liili, dudeontheguitar және Таиландтан келетін қонақ, фестивальдің ең жас өнерпазы PETCH қосылды. Бұған дейін бас сахнада өнер көрсететіндер қатарында Placebo, Die Antwoord, Tyga, Oliver Tree, Brennan Savage, The Kooks, Скриптонит, The Kiffness, Dizzee Rascal, Yonaka, Ulukmanapo және Tiger Cave аталған.
Yandex Park Live фестивалі — ондаған мың әнсүйер қауымның басын қосатын ең ірі музыкалық шара. Ол Yandex Qazaqstan сервистері — Яндекс Плюс пен Яндекс Музыка, сондай-ақ Яндекс Go, Яндекс Поиск, Яндекс Заправки және Яндекс Еда қызметтерінің қолдауымен өтеді.
Яндекс Плюс жазылушылары билетті үздік бағамен сатып ала алады. Музыкалық шара арқылы көбірек ләззат сыйлау үшін Плюс Қазақстандағы жазылушыларына сыйлық әзірлеп қойды: Яндекс Музыкада фестиваль әртістерінің плейлисі мен билетті Яндекс Афишадан сатып алғандарға 20% кешбэк беріледі.
Айта кетейік, Яндекс Плюс жазылушыларын фестиваль кезінде естен кетпес ерекше қызық күтіп тұр, олар туралы ұйымдастырушылар таяуда айтып береді. Іс-шара күні еркін жол табуыңыз үшін Яндекс Картыда фестиваль аумақтары мен сахналары толық көрсетілген схема шығады. Бұл күндері қосымшаға фестиваль атын жазсаңыз, кез келген көлік түрімен жетуге жайлы маршрут құруға болады.
06.09 Ninety One. Бұл топ естен кетпейтін Q-Pop әуені мен еркіндік есіп тұрған мәтіндері арқылы мыңдаған тыңдарманның жүрегін жаулап алған. «Ninety One» байопигі Қазақстандағы прокатта көш бастаған үштікке кірді.
06.09 T’OI. Бұл Q-Pop топ келешегінен көп үміт күттіреді. Заманауи поп-музыка мен қазақтың мәдени элементтерін шебер үйлестірген әртістер жаңаша дыбыспен тартымды өнер көрсетіп, көптің назарын аударды.
06.09 PETCH. 14 жастағы таиландтық талантты көше музыканты әлемдік музыка сахнасының назарын аударды. Халықаралық фестивальдерде жиі өнер көрсетіп, дебюттік альбомын шығаруға дайындалып жүр. Ол басқа жасөспірімдерге музыка арқылы қиындықтарды еңсеруге де көмектеседі.
07.09 Truwer. Жастық шақ, талант һәм стиль — Truwer-ді осы үш сөзбен сипаттауға болар. Ол туралы ең ықпалды журналдар жазады, ATL, Скриптонит, Недры, 104 және басқа да біраз әртіспен фит шығарды.
07.09 Hiro. Бекболат Қайдаров — Hiro (Hirosima-дан қысқартылған) лақап атымен өнер көрсететін алматылық рэпер әрі битмейкер. Осы жанрдағы үздік өнерпаздың бірі болуға мүмкіндігі мол.
07.09 Yenlik. Қазақстан музыкасындағы жаңа әйел есімі. Yenlik әндерінде речитатив пен әуезді вокалды үйлестіреді, YouTube-та миллиондаған қаралым жинайды және балаларға ағылшын тілін үйретеді.
07.09 кухня. Қазақстанның рэп-сахнасын туралығымен тәнті еткен жарқын фрешмен. Орындаушының «дома» атты дебюттік синглы Скриптониттің жетекшілігімен жазылып, шынайылығымен, сыршылдығымен әрі есте қаларлық g-funk әуенімен тыңдарман жүрегіне жол тапты.
08.09 Dose. Оның жеңіл әрі сезімтал поп-музыкасы R&B мотивтерімен, урбан-соулмен әсем үйлеседі. Павлодардан шыққан талантты R&B орындаушысы, бірнеше әннің авторы әрі саунд-продюсер.
08.09 M'Dee. Қазақстанның хип-хоп орындаушысы, әнші, әндердің авторы әрі продюсер. M'Dee-дің шығармашылығын ретро-вейв пен Алматы романтикасының ықпалына түскен классикалық r&b деуге болады.
08.09 Liili. Hot вирустық трегі арқылы аты шыққан қазақстандық поп-жұлдыз. Трек 22 миллион рет тыңдалып, Instagram-да осы әнмен әлем бойынша жарты миллионнан аса Reels түсірілген.
08.09 dudeontheguitar. Инди-сенсация. Қазақша ән айтатын сарыағаштық өнерпаз Нұрбек Елемес — шығармашылығын жерасты өткелдерінде музыка ойнаудан бастап, біраз уақыт жүк тиеуші болып істеген, ал бүгінде Алматыдағы ең ірі фестивальдерде өнер көрсетіп жүрген тәуелсіз әнші.
