QAZTECH технологиялық компаниялар альянсының сарапшылары «Astana Finance Days» халықаралық конференциясына белсенді қатысты, онда венчурлік капиталдың әлемдік тәжірибелерін қазақстандық нарыққа енгізу мәселелері қаралды.
QAZTECH ұйымдастырған панельдік сессия барысында Қазақстандағы стартап экожүйесін жақсарту үшін халықаралық табысты стратегияларды, инвестициялық модельдер мен реттеуші тәсілдерді бейімдеу жолдары талқыланды. Сарапшылардың басты міндеті – елдің экономикалық өсуіне ықпал етіп, инновацияларды ынталандыра алатын идеяларды бөліп көрсету.
Сәбит Суханов, QAZTECH қамқоршылар кеңесінің мүшесі, Қазақстандағы технологиялық кәсіпкерліктің алдында тұрған екі негізгі мәселені атап өтті.
Біріншіден, венчурлік қаржыландырудың жеткіліксіздігі, оның көлемі бар болғаны 80-100 миллион долларды құрайды, бұл Шығыс Еуропа елдеріндегі көрсеткіштермен салыстырғанда әлдеқайда аз. Екіншіден, Қазақстандағы шағын және орта бизнестің өміршеңдік деңгейі 30%-ға тең, бұл әлемдік орташа деңгейден екі есе төмен
Суханов Қазақстанда технологиялық кәсіпкерлікті дамыту үшін мемлекет тарапынан технологиялық стартаптардың өмірлік циклінің барлық кезеңдерін – өнімді жасаудан бастап, оны халықаралық нарыққа дейін кеңейтуді қамтитын кешенді тәсіл қажет екенін айтты. Бұл тәсіл дамыған елдерде қолданылады, онда кәсіпкерлер үшін өмірлік циклдің әр кезеңіне арналған ынталандыру шаралары ұсынылады. QAZTECH Альянсы Қазақстандағы технологиялық кәсіпкерлікті ілгерілету, кедергілерді жою және қолайлы жағдай жасау үшін құрылды.
Big Sky Capital негізін қалаушы және басқарушы серіктесі Әділ Нұрғожиннің пікірінше, венчурлік компаниялар үшін қаржыландыру көздерін кеңейтіп, банктер, ұлттық компаниялар және басқа да ірі ойыншыларды венчурлік қаржыландыруға тарту қажет.
DNA Payments Group-тың тең құрылтайшысы Ариф Бабаев стартаптарды қолдау үшін мемлекеттік қорлардың бір бөлігін венчурлік капитал арқылы бөлуді ұсынды. Ол Қазақстанда стартап экожүйесін құрудың маңыздылығын, әсіресе аймақтық жобаларға басымдық беру керектігін атап өтті:
Елде және одан тыс жерде табысты стартап ландшафтын құру үшін мемлекеттік қорлардың бір бөлігін стартаптарды қолдауға бағыттау керек, Қазақстанда ресурстар мен таланттар жеткілікті
Бабаев QAZTECH Альянсы менторлықты белсенді түрде дамытып жатқанын, оның инвестициялар тарту және стартаптардың аймақтық деңгейде өсуі үшін маңызды екенін айтты.
Сарапшылар технологиялық компанияларды дамыту және венчурлік инфрақұрылымды жақсарту Қазақстан экономикасының өсуінің маңызды факторына айналады деп сенімді. QAZTECH Альянсы елдегі технологиялық стартаптарды қолдау үшін кедергілерді анықтап, шешімдер ұсыну бойынша жұмыстарын жалғастырады.
