6-8 қыркүйек күндері Алматыдағы Бірінші мамыр тоғанында Park Live пен Yandex Qazaqstan командаларының бірлескен алғашқы Yandex Park Live музыкалық фестивалі өтеді. Бұған дейін хедлайнерлер ретінде британдық Placebo тобы, ОАР-дан келген Die Antwoord дуэті мен америкалық рэпер Tygа аталған. Eнді лайн-апқа америкалық рэперлер Oliver Tree мен Brennan Savage, сондай-ақ қазақстандық рэпер Скриптонит қосылғаны белгілі болды.
Кеш бағдарламасы әзірше құпия болғанымен, Yandex Park Live-ты қазірдің өзінде-ақ биыл елде болатын ең ірі фестиваль әрі Қазақстандағы ең елеулі оқиға деп есептей беруге болады. Ұйымдастырушылар Орталық Азиядағы фестиваль мәдениетінің зор нүктесін қалыптастыруды, Қазақстанға әлем музыкасын әкелуді көздейді.
Лайн-апты жасау кезінде фестиваль әр орындаушының ерекшелігі мен мәдени маңызына мән береді. Фестиваль қонақтары үш күн бойы екі музыкалық сахнада өнер көрсететін әлемдік деңгейдегі шетелдік әртістер мен Қазақстанның жергілікті музыканттарын тыңдайды.
6.09 Die Antwoord. Өз ережесі бар ойдан шығарылған шынайылық. Топ өзінің музыкасын «адамды шошытып, танымды кеңейтетін рәсім» деп атайды. Танымды кеңейту туралы сөзімен дауласуға болар, бірақ Die Antwoord тобының жаңа стиль қалыптастырып, көп тыңдарманның жүрегін жаулап алғаны — факт. Олардың әр туындысы сәнді әрі мүлтіксіз көрінетіні де рас. Музыкаға бейілдігі мен ырғақты сезіну қабілетінің арқасында оңтүстікафрикалық дуэт кез келген адамды еріксіз билетіп жіберетін тректер жазады. «Ойланбастан өмір сүріп жатқан адамдарды оятып жіберу үшін шокер қолдануға мәжбүрміз», — дейді Die Antwoord тобын құрушылардың бірі Ниндзя.
6.09 Oliver Tree — заманымыздың айрықша музыкантының бірі. Oliver — әйгілі мем-адам, суретші әрі рэпер, Ugly is Beautiful атты студиялық альбомымен, атап айтқанда Hurt және Jerk хиттерімен көпке белгілі. Әртістің тректерінде хип-хоп биттері панк-рокпен, ырғақты әуендермен әсем үйлеседі. Оливер көпшілікті музыка саласында ғана таңырқатып жүрген жоқ. Мысалы, рэпер бірер жыл бұрын алты метрлік скутерде жүріп, Гиннестің рекордтар кітабына енді.
7.09 Tyga. Тректері әлемдік чарттардың көшін бастап тұрған америкалық рэпер. 2012 жылы шыққан Careless World: Rise Of The Last King атты екінші альбомы өнерпаздың атын әйгілеп, мол табысқа кенелтті. Артынша тағы бес альбом шығарып, бәрі тыңдарманның ықыласына бөленіп жатты. Tyga көп әртіспен серіктес болды. Мысалы, 2015 жылы атқарушы продюсері Kanye West болған The Gold Album: 18th Dynasty альбомын шығарды. Ал 2018 жылы ол Оffset-пен Taste атты фит жазды. Tyga — әлем өнерпаздарына шабыт берген заманауи хип-хоп классикасы.
7.09 Скриптонит (Әділ Жәлелов) — орыстілді хип-хоптың негізгі инноваторы мен қозғаушы күшінің бірі. Қазақ рэперінің 2015 жылы жарық көрген «Дом с паранормальными явлениями» дебюттік альбомы рэп әлемін түбегейлі өзгерткен құбылыс болды.
Скриптонит орыстілді әртістер арасында алғаш болып Apple Music-пен эксклюзив коллаборация жасап, «Бас жаңалықтар» атты әлемдік плейлистің мұқабасына шықты. 2017 жылы музыкант Қазақстанда Тәуелсіздік күніне орай «Уроборос: Стрит 36» және «Уроборос: Зеркала» атты қос концептуал альбомын шығарды. Ал кейінгі жылы әртістің үш бірдей лонгплейі жарық көрді. Олардың арасында кеңінен танылып үлгерген «7», «YEAH, Pt. 1» және «YEAH, Pt. 2» альбомдары бар.
7.09 Brennan Savage — америкалық рэп орындаушысы, альтернатив хип-хоптың жарқын өкілі, мұңды лирика шебері, бала кезден бергі досы және Lil Peep-тің ісін жалғастырушы. Кейде екеуінің шығармашылық стилі мен қозғайтын тақырыптары, тіпті интонациясы да ұқсап кетеді.
Brennan тыңдарманды синглдарымен, EP-мен жиі қуантады. Кейінгі жұмыстарының бірі 2024 жылы 5 сәуірінде шыққан Catch Up синглы болды.
8.09 Placebo. Кейінгі 20 жылдағы негізгі альтернатив рок-топтардың бірі. Топпен аттас дебют альбомы 1996 жылы британ музыкасын түбегейлі өзгертті. Placebo өзін тұтас брит-попқа қарсы қойып, кейінгі толқын музыканттарының көшін бастады. Олар британ музыка тарихында өшпес із қалдырды. Топ Дэвид Боуи, Роберт Смит пен Майкл Стайп сияқты аңыз адамдармен серіктес болды. 20 жылда сегіз рет табысты альбом шығарды. Кейінгісі — 2022 жылы шыққан Never Let Me Go.
8.09 Yonaka. Yonaka — британдық рок-новатор. 2019 жылы топ толық форматтағы Don't Wait 'Til Tomorrow атты дебют альбомын шығарды. Бұл жинақ сыншылардың жоғары бағасын алып, чарттарда көзге түсті. Брайтоннан шыққан трио панк, поп пен хип-хопты гипноздық рокта сәтті үйлестіріп, роксүйер қауымды тәнті еткен.
Фестиваль билетін Яндекс Афишадан алуға болады.
